Скопје, 11 октомври 2023 (МИА) -  Градежни активности за реконструкција на дел од  улицата „Столтенбергова“ кај Градскиот стадион во Скопје ќе се изведуваат од утре. Ќе се реконструира  делот кој е со вградена камена коцка, кој ќе се отстранува и ќе се замени со асфалтна маса, најави ЈП „Улици и патишта“.

Оттаму информираат дека реконструкцијата ќе се изведува етапно и поради изведба на активностите ќе биде затворен дел по дел од улицата до завршување на градежните активности .

На целиот потег кој е предвиден за реконструкција ќе биде поставена соодветна сообраќајна сигнализација.лв/