Германија ќе воведе привремена контрола на француската граница за Олимпијадата
- Германија ќе воведе привремена контрола на границата со Франција по повод претстојните Олимписки игри во Париз, соопшти германската министерка за внатрешни работи Ненси Фесер, jaви ДПА.
![Германија ќе воведе привремена контрола на француската граница за Олимпијадата](https://new.mia.mk/images/20240715123127_big_730x400_33.webp )
Берлин, 15 јули 2024 (МИА) - Германија ќе воведе привремена контрола на границата со Франција по повод претстојните Олимписки игри во Париз, соопшти германската министерка за внатрешни работи Ненси Фесер, jaви ДПА.
Тој потег е направен во соработка со француските власти за да се обезбеди поголема безбедност на Олимпијадата, што завршува на 11 август.
Европската комисија ќе биде известена што е можно поскоро.
В петок ќе бидат укинати граничните проверки со Данска, Холандија, Белгија и Луксембург, воведени поради Европското фудбалско првенство. Остануваат граничните контроли со Австрија, Швајцарија, Чешка и Полска за да се запре илегалната имиграција. паг/
Фото: МИА архива