Тел Авив, 16 септември 2024 (МИА) - Израелскиот министер за одбрана, Јоав Галант, во телефонски разговор со американскиот колега, Лојд Остин, изјави дека „се затвора прозорецот за дипломатско решение на конфликтот со либанската група Хезболах, поддржана од Иран“, јави ДПА.

Во соопштението од кабинетот на Галант се наведува дека тој на секретарот Остин му кажал дека „патот е чист“ за можноста за поширок конфликт во регионот.

„Се исцрпува можноста за постигнување рамковен договор во северниот фронт бидејќи Хезболах продолжува да надополнува со Хамас“, изјави Галант во телефонскиот разговор вечерва во Остин.

Според пишувањата на медиумите, американскиот посредник Ејмс Хохштајн, кој со месеци се бори да постигне деескалација во регионот, планира да одржи повеќе разговори во Израел. Покрај Галант, се очекува да се сретне и со премиерот Бенјамин Нетанјаху.

Од почетокот на војната во Појасот Газа меѓу Израел и палестинската милитантна група Хамас, која започна пред речиси една година, речиси секојдневно има судири меѓу израелската армија и либанската организација Хезболах, поддржана од Иран, во пограничната област меѓу две земји. сд/

фото:МИА архива