Вучиќ не бил примен во болница, вели дека е во добра здравствена состојба
Белград, 28 април 2023 (МИА) - Претседателот на Србија Александар Вучиќ во четвртокот вечерта не бил итно примен во болница, како што пренесоа многу медиуми, потврдено е во кабинетот на претседателот за весникот Данас, јави дописникот на МИА од Белград.
Вучиќ изјави за Спутник дека е во „добра здравствена состојба“ и дека денеска оди на планирана обиколка на Зајечарскиот округ.
Неколку портали во Србија, но и во регионот, во четвртокот вечерта соопштија дека Вучиќ бил примен во болница, „но не и во ВМА, како што пишуваше на социјалните мрежи“, каде беа пласирани различни дезинформации за здравствената состојба на претседателот на Србија.
Порака за поддршка до Александар Вучиќ на Твитер испрати и потпретседателката на Народното собрание на Србија од владеачката Српска напредна партија (СНС) Сандра Божиќ.
-Целосна поддршка за претседателот Вучиќ! Знаеме дека не се штеди, дека живее и дише за Србија, напиша Божиќ.об/сд/
