Во јули раст на вкупните депозити и кредити за 7,3 проценти
- Вкупните депозити во јули бележат раст од 7,3 проценти на годишна основа, пред се поради растот во секторот домаќинства, а за исто толку е забележан раст и кај кредитите како резултат на зголеменото кредитирање и кај домаќинствата и кај корпоративниот сектор.
![Во јули раст на вкупните депозити и кредити за 7,3 проценти](https://new.mia.mk/images/20240821113028_big_730x400_38.webp )
Скопје, 21 август 2024 (МИА) - Вкупните депозити во јули бележат раст од 7,3 проценти на годишна основа, пред се поради растот во секторот домаќинства, а за исто толку е забележан раст и кај кредитите како резултат на зголеменото кредитирање и кај домаќинствата и кај корпоративниот сектор.
Според денеска објавените податоци на Народната банка, на месечно ниво има раст за 0,5 проценти кај депозитите и за 0,6 проценти кај кредитите.
Кај корпоративниот сектор, депозитите на месечно ниво се зголемени за 0,2 проценти, а кредитите за 0,5 проценти, а кај домаќинствата депозитите бележат раст за 0,7 проценти, а кредитите за 0,8 проценти.
Кај потрошувачките и станбените кредити одобрени за физички лица е забележан раст од 0,9 и 0,8 процент на месечно и годишно ниво, а автомобилските кредити овој месец се повисоки за 2,5 и 23,6 проценти на месечна и годишна основа, додека кредитите одобрени на кредитни картички се намалени за 0,2 и 8 проценти на месечно и годишно ниво. бак/
Фото: Народна банка