Во Унгарија до 15 часот излезноста е поголема од 52 отсто
Будимпешта, 3 април 2022 (МИА) - Излезноста на парламентарните избори во Унгарија до 15 часот е 52,75 отсто од запишаните избирачи, соопшти Националната изборна комисија.
Како што пренесува МТИ, гласале повеќе од четири милиони избирачи, а до 15 часот во Будимпешта гласале над 56 отсто.
Излезноста на претходните избори пред четири години беше 53,46 отсто, а во 2014 година околу 45 отсто. паг/
