Во Ирак одобрено погубување на 340 лица
Багдад, 25 јануари 2021 (МИА) - Кабинетот на ирачкиот претседател одобри погубување на 340 лица осудени на смрт поради тероризам и убиство.
Службеник на ирачкото претседателство за ирачката официјална новинска агенција изјави дека одобренијата ќе се дадат откако ќе се испитаат сите уставни и правни аспекти и ќе се исцрпат сите можности за жалба.
Како што пренесува Анадолија, во извештајот се наведува дека одобрувањето се случило непосредно по самоубиствениот напад во Багдад пред неколку дена, во кој загинаа 32 лица, а беа повредени 110 лица.
Според ирачкиот устав, извршувањето на смртната казна бара одобрување од претседателството.
Исил ја презеде одговорноста за терористичкиот напад во Багдад. паг/
