Во Еквадор уапсен Албанец, еден од најбараните од Интерпол, се маскирал како трговец со овошје
Тирана, 4 април 2022 (МИА) - Во Еквадор уапсен е Неџет Вокши, еден од најбараните од Интерпол поради меѓународна трговија со дрога, јави дописничката на МИА од Тирана.
- Речиси 10.000 километри од неговата родна земја, Вокши (52) е уапсен во León Febres Cordero Avenue на патот кон Самборонд Еквадор. Тој е на црвената листа на Интерпол Холандија од 15 март откако истражителите го лоцирале, пренесува АБЦ њуз.
Според истрагата, во 2010 година побегнал од Холандија, чие државјанство поседувал, најпрво во Перу, а од 2018 година живеел во Еквадор со сопругата и ќерката, преминувајќи ја границата по копнен пат.
Таму бил регистриран како трговец со овошје, исто како и во Барцелона, Шпанија, што му овозможувало да ги избегнува полициските власти.
Уапсен е додека управувал камион, а одземени му биле шест мобилни телефони. вт/паг/
