Во Дубаи почнуваат со работа кафулињата и рестораните
- Властите на Дубаи одобрија од денеска да почнат да работат кафулињата, рестораните и трговските центри, но само со 30 отсто од капацитетот.
![Во Дубаи почнуваат со работа кафулињата и рестораните](https://new.mia.mk/images/20221103185741_big_730x400_90.webp )
Дубаи, 23 април 2020 (МИА) - Властите на Дубаи одобрија од денеска да почнат да работат кафулињата, рестораните и трговските центри, но само со 30 отсто од капацитетот.
Рестриктивните мерки остануваат во сила, па работното време на угостителските објекти и трговските центри е ограничено од пладне до 22 часот.
Градските власти ја разгледуваат можноста од 26 април повторно да почне да работи и јавниот градски превоз, вклучувајќи го и метрото.
Во Обединетите Арапски Емирати има повеќе од 8.200 потврдени случаи на коронавирусот. јт/