Во Бугарија од 1 декември 2022 до 17 февруари годинава бројот на туристи достигна речиси 1,1 милион

Софија, 27 февруари 2023 - Зимската сезона во Бугарија во моментот се одвива успешно. За периодот од 1 декември 2022 до 17 февруари 2023 година, регистрираните туристи во Единствениот туристички информативен систем (УТИС) се околу 1,1 милион, соопшти Министерството за туризам.

Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.

Во оваа фаза вкупниот раст за земјата е околу 28 отсто, а за конечните резултати важно ќе биде времетраењето на скијачката сезона, коментираат од ресорот. Зголемување на бројот на туристи има главно во големите градови и бањските одморалишта.

За периодот од 1 декември 2022 до 17 февруари 2023 година, најголем број регистрации има на бугарски туристи – околу 800.000, на грчки туристи – 43.000, на романски туристи – 38.000, на турски туристи – над 29.000, на израелски и британски туристи по 28.000 и туристи од Северна Македонија - 20.000.

Важно за оваа зимска сезона е враќањето на грчките туристи по подолг период во кој поради пандемијата Грците не патуваа интензивно.

Скијачки центри

Во однос на скијачките центри Банско бележи доста добри резултати. Општината пречека повеќе од 120.000 туристи за периодот од 1 декември 2022 до 17 февруари 2023 година, а има предуслови зимската сезона да заврши со резултати над ланските.

Бугарските туристи се околу 35 отсто од сите туристи во општина Банско, а странските околу 65 отсто. Грчките туристи во општина Банско се над 22.000, романските туристи над 14.000, британските туристи - над 9.000, израелските туристи - над 9.000.

Општина Самоков, во која се наоѓа одморалиштето Боровец, пречека речиси 65.000 туристи за периодот од 1 декември 2022 до 17 февруари 2023 година. За истиот период општините Смолјан и Чепеларе (каде се наоѓа „Пампорово“) регистрирале околу 58.000 туристи. За Пампорово и Боровец водечки пазар е Бугарија, но интерес има и од Романија, Грција, Србија, Велика Британија, Ирска итн.

СПА туризам

Министерството известува за зголемен интерес за бањски туризам. Според моментално достапните податоци за периодот од 1 декември 2022 до 17 февруари 2023 година, општините Велинград, Разлог, Хисарија, Сандански, Павел Бања, Гармен и Сапарева Бања пречекале вкупно 216.000 туристи, со вкупен пораст од над 40.000 во споредба со истиот период минатата зимска сезона.

Возрасна структура на туристите

За периодот од 1 декември 2022 до 17 февруари 2023 година најголем интерес имаат туристите од Бугарија на возраст од 30 до 44 години - 35 отсто, потоа од 45 до 59 - 31 отсто, додека кај странците, соодветно - 31 отсто и 26 отсто.

_________________________________________________________________________

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА