Во Боливија уништени три големи импровизирани фабрики за производство на кокаин
- Боливиската полиција денеска соопшти дека открила и уништила три огромни фабрики, во кои дневно можеле да се произведат околу 900 килограми крек
![Во Боливија уништени три големи импровизирани фабрики за производство на кокаин](https://new.mia.mk/images/20221107105405_big_730x400_98.webp )
Ла Паз, 17 мај 2021 (МИА) - Боливиската полиција денеска соопшти дека открила и уништила три огромни фабрики, во кои дневно можеле да се произведат околу 900 килограми крек.
Импровизираните фабрики биле скриени во шумските резервати и национални паркови во три боливиски провинции.
Боливискиот заменик-министер за социјална одбрана и контролирани супстанци, Џејми Мамани изјави дека одредите за борба против дрогата во изминатите четири месеци заплениле рекордни 7,41 тони кокаин.
Тој додаде дека исто така продолжува и уништувањето на посевите со кока во Лос Џангас и во Ел Чапаре. ми/