Исламабад, 2 јануари 2024 (МИА) - Непознати напаѓачи застрелале шест бербери утрово в зори во поранешно упориште на пакистанските талибанци во северозападен Пакистан на границата со Авганистан, соопшти полицијата, пренесе БТА.

-Засега никој не ја презеде одговорноста за убиствата во Мир Али, град во немирната северозападна погранична провинција, изјави Џамал ​​Кан, локален началник за спроведување на законот.

Според жителите во околината сите шестмина убиени работеле во различни берберници. 

Со години, Мир Али беше база за пакистанските талибанци (Техрик и талибански Пакистан, ТТП) - додека армијата не ја исчисти областа од бунтовниците. ТТП е посебна организација со блиски врски со авганистанските талибанци, кои ја презедоа власта во соседен Авганистан во 2021 година, додека САД и НАТО беа во последната фаза од нивното повлекување од земјата по 20-годишна војна.

Пред неколку години, пакистанските радикали забранија потстрижување на брада и фризури во западен стил.

Во последниве години, овој регион на Пакистан, каде што властите често ги напаѓаат засолништата на ТТП за да ги спречат обидите на групата за повторно оживување, доживеа бројни екстремистички напади. мс/

фото: МИА архива