Дака, 17 јули 2024 (МИА) - Властите во Бангладеш денеска наредија затворање на сите универзитети во земјата, откако шест лица беа убиени во неодамнешните насилни антивладини протести.

Властите побараа од сите државни и приватни универзитети да ја прекинат наставата и да се испразнат студентските домови до понатамошно известување, со цел да се заштитат студентите.

Универзитетите во земјава имаат автономија и барањето немаше правна сила.
Некои универзитети, сепак, брзо ја исполнија одлуката, но други, вклучително и најголемите, допрва треба да одлучат.

Властите соопштија дека најмалку шест лица биле убиени вчера во насилство ширум земјата кога студентските демонстранти се судриле со провладините студентски активисти и полицијата. Насилството било концентрирано најмногу околу главниот град Дака, како и градовите на северот и југоисточниот дел на земјата. рп/

Фото: ЕПА