Вин Дизел обвинет за сексуално вознемирување
- Американскиот глумец е обвинет за сексуално вознемирување и создавање непријатна работна средина, во тужбата што ја поднесе негова поранешна помошничка.
![Вин Дизел обвинет за сексуално вознемирување](https://new.mia.mk/images/20231222094716_big_730x400_46.webp )
Лос Анџелес, 22 декември 2023 (МИА) - Американскиот глумец Вин Дизел е обвинет за сексуално вознемирување и создавање непријатна работна средина, во тужбата што ја поднесе негова поранешна помошничка.
Приватната тужба е поднесена во Врховниот суд во Лос Анџелес. Станува збор за наводен инцидент од 2010 година, кога, како што тврди асистентката Аста Јохансон, Дизел ја „удрил во хотелски апартман, и мастурбирал пред неа“, пренесува Си-ен-ен.
Јохансон ги тужи Дизел, неговата компанија „Уан рејс продакшнс“ и сестрата на глумецот - Саманта Винсент, за сексуално вознемирување, мобинг, несовесен надзор и незаконско раскинување договор. Бараната отштета е 10.000 долари за секое наводно прекршување на законот. си/сд/
Фото: ЕПА