Вештачки чакал ќе се тестира на Гран при на Холандија
Зандворт, 1 септември 2022 (МИА) - Возачите на Формула 1 ќе тестираат експериментални безбедносни зони на патеката „Зандворт“ на Големата награда на Холандија.
Според Autosport, во свиокот 12, вештачки чакал базиран на епоксидна смола е поставен помеѓу вистинскиот чакал и работ - зафаќа простор широк еден метар.
Ова е направено со цел да се избегнат камења на патеката, како што се случи минатогодишниот викенд во Холандија.
Организаторите не сакаа да воведат асфалтни безбедносни зони, па воведоа нов материјал кој личи на чакал, но е тврда подлога.
Трката од Формула 1 шампионатот за ГН на Холандија ќе се вози од 2 до 4 септември. Во 2021 година, победи возачот на Ред Бул, Макс Верстапен. зс/
