Њу Делхи, 18 август 2025 (МИА) - Кинескиот министер за надворешни работи Ванг Ји денеска пристигна во Њу Делхи за да се обиде да ги обнови врските меѓу Пекинг и Њу Делхи, а на дневен ред се граничниот спор меѓу двете земји и американските царини.

Ванг треба да разговара со својот индиски колега Субрахманјам Џајшанкар и се очекува да се сретне со индискиот премиер Нарендра Моди за време на неговата тридневна посета.

Според индиските медиуми, се очекува Моди да ја посети Кина до крајот на август.

Двете најнаселени земји во светот се заглавени во битка за влијание во Јужна Азија.

Њу Делхи и Пекинг, кои сега се соочуваат со царини наметнати од американскиот претседател Доналд Трамп, сè уште се заинтересирани да воспостават поблиски врски.

Се очекува обновувањето на трговските односи на хималајската граница да биде главна тема на агендата на посетата, заедно со продолжувањето на директните летови и воведувањето туристички визи меѓу двете земји. мс/

фото: МИА архива