Лондон, 1 февруари 2024 (МИА) - Британскиот парламент денеска гласаше за поддршка на ревизијата на трговските правила на Северна Ирска, поврзани со Брегзит, помагајќи да се отвори патот за враќање на заедничкото владеење на регионот за првпат по речиси две години, пренесе БТА.

Законодавците во Долниот дом ги одобрија промените кои го потврдуваат местото на Северна Ирска во Обединетото Кралство, што значи дека министрите ќе мора да се усогласат со законското барање за да размислат дали некое ново законодавство може да влијае на трговијата меѓу Северна Ирска и ОК.

Северна Ирска е без регионална влада откако Демократската унионистичка партија се повлече од владата во знак на протест против трговските правила по Брегзит, за кои вели дека создаваат бариери за трговијата со остатокот од ОК и ја поткопуваат позицијата на Северна Ирска. мс/

фото: МИА архива