Вашингтон, 7 јули 2025 (МИА) – Завршувањето на војната во Појасот Газа е „врвен приоритет“ на американскиот претседател Доналд Трамп, објави денеска Белата куќа неколку часа пред неговата средба со израелскиот премиер Бенјамин Нетанјаху во Вашингтон, трета во последните неколку месеци.

„Главен приоритет на претседателот на Блискиот Исток е крај на војната во Појасот Газа и обезбедување враќање на сите заложници“, изјави портпаролката на Белата куќа, Каролин Ливит, на прес-конференција.

Пратеникот на САД за Блискиот Исток, Стив Виткоф, треба неделава да отпатува во Доха, каде што се водат индиректни разговори меѓу Израел и палестинското движење Хамас, изјави портпаролката на Белата куќа.

Војната меѓу Хамас и Израел започна на 7 октомври 2023 година.сд/

фото:МИА архива