Бектеши: Маржата за огревно дрво и пелети се замрзнува на 10 отсто
- На предлог на Министерството за економија, Владата на денешната седница донесе одлука за определување на највисоката трговска маржа како посебен услов во трговијата за огревно дрво од даб, ог
![Бектеши: Маржата за огревно дрво и пелети се замрзнува на 10 отсто](https://new.mia.mk/images/20221113194634_big_730x400_75.webp )
Скопје, 11 август 2022 (МИА) - На предлог на Министерството за економија, Владата на денешната седница донесе одлука за определување на највисоката трговска маржа како посебен услов во трговијата за огревно дрво од даб, огревно дрво од бука и пелети за огрев. Согласно Одлуката највисоката трговска маржа за овие производи за сите трговци се утврдува во висина најмногу до 10 отсто, објави министерот за економија Крешник Бектеши.
- Висината на трговска маржа најмногу до 10 проценти за наведените стоки ќе важи за сите трговски друштва и трговци поединци кои учествуваат во трговскиот синџир во трговијата на мало, а транспортот за испорака на стоките до крајните потрошувачи не се пресметува во висината на трговската маржа, појасни Бектеши.
Причината за ограничување на трговската маржа, додаде, се заснова на усогласување на разликите во цените кои сега се присутни во трговијата на мало, односно при продажба на огревно на дрво и пелети за огрев. вј/сп/
![](/articles/images/%d0%b1%d0%b5%d0%ba%d1%82%d0%b5%d1%88%d0%b8-%d1%86%d0%b5%d0%bd%d0%b0%d1/djXyCVSeD/placeholder.webp?use_watermark=0)