Артета: Сака е моќно оружје за Арсенал, одлично е што го имаме повторно
- Тренерот на Арсенал, Микел Артета изјави дека крилниот напаѓач на тимот Букајо Сака би можел да игра во натпреварот од 30. коло од Премиер лигата против Фулам.

Лондон, 31 март 2025 (МИА) - Тренерот на Арсенал, Микел Артета изјави дека крилниот напаѓач на тимот Букајо Сака би можел да игра во натпреварот од 30. коло од Премиер лигата против Фулам.
На крајот на декември, 23-годишниот фудбалер беше опериран на задниот дел од бутот.
- Сите мерки на претпазливост се веќе преземени. Сега е прашање да го извадиме на теренот во вистински момент. Но, тој форсира затоа што многу го сака тоа. Ги испочитувавме роковите и направивме се што беше потребно, тој е подготвен за игра. Букајо е нашето моќно оружје. Одлично е што се врати со нас, изјави Артета на прес-конференција.
Натпреварот меѓу Арсенал и Фулам ќе се игра утре (1 април).
По 29 кола, тимот на Артета е втор во поредокот на англискиот шампионат со 58 бодови. Фулам има 45 бодови и е на осмото место. зс/
Фото: ЕПА