Алијанса за Албанците: Фатмир Лимани министер, братот останува директор
- Непотизмот и конфликтот на интереси се повеќе стануваат синоним за нелегитимната коалиција ВРЕДИ и нејзините функционери.
![Алијанса за Албанците: Фатмир Лимани министер, братот останува директор](https://new.mia.mk/images/20240829131846_big_730x400_40.webp )
Скопје, 29 август 2024
Непотизмот и конфликтот на интереси се повеќе стануваат синоним за нелегитимната коалиција ВРЕДИ и нејзините функционери.
Братот на Фатмир Лимани, министер за социјална политика, демографија и млади, Дашмир Лимани, продолжува да биде директор на Центарот за труд и социјална политика во Кичево. Оваа ситуација претставува конфликт на интереси и е отворено кршење на законот.
Ја повикуваме Државната комисија за спречување на корупцијата како и Јавното обвинителство да ја испитаат и разрешат оваа состојба бидејќи министерот Лимани не постапувал речиси три месеци од преземањето на функцијата, а двајцата браќа продолжуваат да ги извршуваат двете функции.
Покрај флагрантното прекршување на законот, ова ја докажува и дволичноста на албанските партии кои влегоа во Владата без легитимитет и нивните лажни ветувања за правично и транспарентно владеење, како и ги потврдува нашите предупредувања дека нивниот влез во Владата е само за тесни партиски, семејни и лични интереси.
Алијанса за Албанците
Фото: МИА архива
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.