Активни 13.412 случаи, надлежните повикуваат невакцинираните да се вакцинираат
Скопје, 13 септември 2021 (МИА) - Бројот на активни случаи во земјава изнесува 13.412 од кои најголем број или 5858 се во Скопје. Во Тетово има 1184 активни случаи, во Куманово - 898, во Гостивар - 688, во Струга - 620, во Охрид- 590, во Струмица - 565, во Кичево - 483... Според вчера објавените податоци на Институтот за јавно здравје, при направени 4.553 тестирања, се регистрирани нови 464 случаи со Ковид-19, 23 починати и 435 оздравени пациенти.
Досега во земјата се направени вкупно 1.223.054 тестирања на Ковид-19. Вкупниот број Ковид-дијагностицирани лица во земјава од почетокот на епидемијата изнесува 183.523, бројот на оздравени пациенти е 163.852, а на починати е 6.259.
Министерството за здравство вчера пренесе делови од новата студија на американскиот Центар за превенција и контрола на болести, која, како што се посочува, „јасно ја нагласува ефикасноста на вакцините против Ковид-19 против сериозни болести или смрт“.
Оваа студија е спроведена во период од повеќе од три месеци, испитувајќи ги хоспитализациите и смртните случаи од вирусот Ковид-19 и заклучоците од истата покажуваат дека дури 10 пати е поголема веројатноста невакцинираните луѓе да бидат хоспитализирани, односно 11 пати е поголема веројатноста дека ќе имаат смртен исход од болеста.
Според анализите во раното издание на студијата за состојбата со пандемијата, земајќи го предвид четвртиот епидемиолошки бран и значајното проширување на новата делта варијанта во САД, хоспитализацијата и смртта од болеста доживуваат пад во текот на целиот период.
Центарот за превенција и контрола на болести на САД во својот неделен извештај кој се однесува на морталитетот и морбидитетот укажува на стапките на инциденца, поврзани со ефективноста на вакцините. Инциденцата на инфекција со САРС-КоВ-2, хоспитализација и смрт е повисока кај невакцинираните отколку вакцинираните лица, и според Центарот за превенција и контрола на болести на САД вакцинирањето штити од тешки заболувања од Ковид 19, вклучувајќи го и делта сојот на вирусот. Следењето на инциденцата на Ковид-19 според статусот на вакцинација може да обезбеди рани сигнали за потенцијални промени во ефективноста на вакцината, што може да се потврди преку цврсти контролирани студии.
Вакцините се безбедни и штитат од неконтролирано ширење на вирусот Ковид-19. Сите вакцини штитат од тежок тек на болеста и смртен исход и тие се единствениот начин да се спречи оваа пандемија со која се бориме веќе долго време. Сите студии, анализи насекаде во светот покажуваат значајни придобивки во борбата со вирусот. Само со масовна вакцинација ќе успееме да се извлечеме од Ковид-19 и да се вратиме во нормален и безбеден начин на живеење, стои во соопштението.
Вакцинацијата против Ковид-19 во земјава непречено се одвива на сите пунктови, а во тек е и теренска вакцинација. На вакциналните пунктови во државата и на терен, заклучно со вчера се вакцинирани вкупно 758.622 граѓани. Прва доза вакцина во петокот и саботата примиле 4.019 граѓани, а вкупно се вакцинирале 23.221 граѓани. Во државата вкупно се аплицирани 1.381.901 дози вакцини, а ревакцинирани се 623.278 граѓани.
Со последните бројки, 54 отсто од населението над 40 години имаат примено барем една доза вакцина и 30 отсто од населението над 18 до 39 години е вакцинирано со барем една доза вакцина. Граѓаните без закажан термин се вакцинираат, во постоечките вакцинални пунктовите низ државата. Децата од 12 до 18 годишна возраст се вакцинираат со согласност од родител, информира Министерството за здравство.
И во светот состојбата со Ковид-19 и неговите мутации не се смирува. Надлежните и натаму повикуваат на масовна вакцинација на населението, во повеќе држави поради зголемен број случаи во сила се рестрикции, а во некои земји се најавува ублажување на рестриктивните мерки доколку мнозинството од населението се имунизира. За невакцинираните забранет е влезот во трговски центри, кафулиња, ресторани, барови и ноќни клубови...
Во Грција се воведени рестрикции во регионите Арголида и Евританија, а се продолжени во областите Илија, Ахаија и Месинија на Пелопонез, како и на островот Икарија и во градот Ираклио на Крит. Мерките се во сила до 17 септември. Мерките кои стапуваат во сила, кои пред сè се за невакцнираните, освен за Грците, ќе важат и за посетителите на земјата, а тоа значи дека влезот во внатрешните делови на кафулињата, баровите, рестораните, таверните, ноќните клубови, како и во спортските сали, ќе биде дозволен само за вакцинирани лица и за оние кои во изминатите шест месеци прележале Ковид-19.
Епидемиологот и член на кризниот штаб на Србија, Бранислав Тодоровиќ изјави дека во земјата ќе се воведат ковид сертификати, кои ќе се користат за влез во кафулиња, ресторани, барови и ноќни клубови.
Словенечката Влада усвои уредба според која, од среда, 15 септември, ќе се воведе поригорозна примена на таканаречените ПЦТ услови за сите вработени кои се во контакт со клиенти и за корисниците на нивните услуги. ПЦТ услов значи дека луѓето мора да имаат прележано Ковид-19, да се вакцинирани или да имаат негативен тест за коронавирус, државата ќе ги сноси трошоците за тестирање на вработените, а работодавачите ќе можат да ги санкционираат тие што не се придржуваат кон оваа регулатива.
Германската канцеларка Ангела Меркел вчера побара од своите сограѓани да ја искористат неделната кампања за вакцинација против Ковид-19, во рамки на која жителите ќе можат да добијат бесплатна доза вакцина на местата каде се вршат богослужби, во спортски објекти, како и во јавниот превоз. Во германската провинција Баден-Виртемберг, в среда ќе стапи во сила мерка според која невакцинираните луѓе, доколку се разболат од Ковид-19 и мора да бидат ставени во изолација, нема да примаат плата за тој период.
Јапонската Влада вчера соопшти дека повеќе од 50 проценти од граѓаните се целосно вакцинирани против Ковид-19 и дека разгледува план со кој ќе ги ублажи рестриктивните мерки во ноември, доколку мнозинството од населението е имунизирано.
Регулаторното тело за здравство на Јужноафриканската Република ја одобри употребата на вакцината „Фајзер/БиоНТек“ за деца на возраст од 12 години и постари, отворајќи пат за Владата на земјата да ги имунизира тинејџерите. рп/сп/
Според анализите во раното издание на студијата за состојбата со пандемијата, земајќи го предвид четвртиот епидемиолошки бран и значајното проширување на новата делта варијанта во САД, хоспитализацијата и смртта од болеста доживуваат пад во текот на целиот период.
Центарот за превенција и контрола на болести на САД во својот неделен извештај кој се однесува на морталитетот и морбидитетот укажува на стапките на инциденца, поврзани со ефективноста на вакцините. Инциденцата на инфекција со САРС-КоВ-2, хоспитализација и смрт е повисока кај невакцинираните отколку вакцинираните лица, и според Центарот за превенција и контрола на болести на САД вакцинирањето штити од тешки заболувања од Ковид 19, вклучувајќи го и делта сојот на вирусот. Следењето на инциденцата на Ковид-19 според статусот на вакцинација може да обезбеди рани сигнали за потенцијални промени во ефективноста на вакцината, што може да се потврди преку цврсти контролирани студии.
Вакцините се безбедни и штитат од неконтролирано ширење на вирусот Ковид-19. Сите вакцини штитат од тежок тек на болеста и смртен исход и тие се единствениот начин да се спречи оваа пандемија со која се бориме веќе долго време. Сите студии, анализи насекаде во светот покажуваат значајни придобивки во борбата со вирусот. Само со масовна вакцинација ќе успееме да се извлечеме од Ковид-19 и да се вратиме во нормален и безбеден начин на живеење, стои во соопштението.
Вакцинацијата против Ковид-19 во земјава непречено се одвива на сите пунктови, а во тек е и теренска вакцинација. На вакциналните пунктови во државата и на терен, заклучно со вчера се вакцинирани вкупно 758.622 граѓани. Прва доза вакцина во петокот и саботата примиле 4.019 граѓани, а вкупно се вакцинирале 23.221 граѓани. Во државата вкупно се аплицирани 1.381.901 дози вакцини, а ревакцинирани се 623.278 граѓани.
Со последните бројки, 54 отсто од населението над 40 години имаат примено барем една доза вакцина и 30 отсто од населението над 18 до 39 години е вакцинирано со барем една доза вакцина. Граѓаните без закажан термин се вакцинираат, во постоечките вакцинални пунктовите низ државата. Децата од 12 до 18 годишна возраст се вакцинираат со согласност од родител, информира Министерството за здравство.
И во светот состојбата со Ковид-19 и неговите мутации не се смирува. Надлежните и натаму повикуваат на масовна вакцинација на населението, во повеќе држави поради зголемен број случаи во сила се рестрикции, а во некои земји се најавува ублажување на рестриктивните мерки доколку мнозинството од населението се имунизира. За невакцинираните забранет е влезот во трговски центри, кафулиња, ресторани, барови и ноќни клубови...
Во Грција се воведени рестрикции во регионите Арголида и Евританија, а се продолжени во областите Илија, Ахаија и Месинија на Пелопонез, како и на островот Икарија и во градот Ираклио на Крит. Мерките се во сила до 17 септември. Мерките кои стапуваат во сила, кои пред сè се за невакцнираните, освен за Грците, ќе важат и за посетителите на земјата, а тоа значи дека влезот во внатрешните делови на кафулињата, баровите, рестораните, таверните, ноќните клубови, како и во спортските сали, ќе биде дозволен само за вакцинирани лица и за оние кои во изминатите шест месеци прележале Ковид-19.
Епидемиологот и член на кризниот штаб на Србија, Бранислав Тодоровиќ изјави дека во земјата ќе се воведат ковид сертификати, кои ќе се користат за влез во кафулиња, ресторани, барови и ноќни клубови.
Словенечката Влада усвои уредба според која, од среда, 15 септември, ќе се воведе поригорозна примена на таканаречените ПЦТ услови за сите вработени кои се во контакт со клиенти и за корисниците на нивните услуги. ПЦТ услов значи дека луѓето мора да имаат прележано Ковид-19, да се вакцинирани или да имаат негативен тест за коронавирус, државата ќе ги сноси трошоците за тестирање на вработените, а работодавачите ќе можат да ги санкционираат тие што не се придржуваат кон оваа регулатива.
Германската канцеларка Ангела Меркел вчера побара од своите сограѓани да ја искористат неделната кампања за вакцинација против Ковид-19, во рамки на која жителите ќе можат да добијат бесплатна доза вакцина на местата каде се вршат богослужби, во спортски објекти, како и во јавниот превоз. Во германската провинција Баден-Виртемберг, в среда ќе стапи во сила мерка според која невакцинираните луѓе, доколку се разболат од Ковид-19 и мора да бидат ставени во изолација, нема да примаат плата за тој период.
Јапонската Влада вчера соопшти дека повеќе од 50 проценти од граѓаните се целосно вакцинирани против Ковид-19 и дека разгледува план со кој ќе ги ублажи рестриктивните мерки во ноември, доколку мнозинството од населението е имунизирано.
Регулаторното тело за здравство на Јужноафриканската Република ја одобри употребата на вакцината „Фајзер/БиоНТек“ за деца на возраст од 12 години и постари, отворајќи пат за Владата на земјата да ги имунизира тинејџерите. рп/сп/ 
