Токио, 16 март 2023 (МИА) - Јапонија и Јужна Кореја се договорија да ги продолжат редовните посети на нивните лидери и да преземат чекори за решавање на нивниот трговски спор за време на денешниот долгоочекуван самит.

Јапонскиот премиер го нарече тоа „голем чекор“ кон обновата на безбедносните и економските врски на двете земји.

Самитот би можел да ја преобликува стратешката карта на североисточна Азија, бидејќи двата сојузници на САД, долги и често во спор околу нивните истории, се обидуваат да формираат обединет фронт, поттикнат од заедничката загриженост за немирната Северна Кореја и се помоќната Кина.

Јапонскиот премиер Фумио Кишида и јужнокорејскиот претседател Јун Сук-Јол ја истакнаа важноста од подобрување на врските на отворањето на самитот неколку часа откако Северна Кореја лансираше проектил.

Во своето воведно обраќање, Кишида рече дека средбата ќе означи продолжување на редовните посети на лидерите, кои се чекаа повеќе од една деценија, и додаде дека земјите се согласиле да продолжат со одбранбениот дијалог и стратешките разговори на замениците министри, додека во исто време и рестартирање на процесот на трилатерална комуникација помеѓу Јапонија, Јужна Кореја и Кина. зш/