Тирана, 9 мај 2023 (МИА) - Познатиот косовски публицист Ветон Сурои смета дека тензиите на северот на Косово треба да се намалат со заложба на двете страни, Косово и Србија.

Гостувајќи во емисијата "Топ стори" на албанската телевизија Топ чанел, Сурои рече дека "трите опции предложени од Европската унија, намалување на тензиите, нови избори и влегување во дијалог, веќе се прифатени од Косово".

Според него, што се однесува до француско-германскиот план, тој не може да се нарече договор се додека Вучиќ не ги прифати сите точки.

- Суштината е дека ЕУ во овој случај произведе барање од три точки, деескалација, избори и враќање на преговорите. Тие точки се поддржани во Косово. Деескалација значи зазравување и да нема потреба од специјална полиција. Северот беше проблем во однос на безбедноста бидејќи немаше владеење на правото. Во овие северни општини немаше слободни избори, имаше заплашување до убиство на кандидати. Како можете да одржите слободни избори во таа средина, нагласи тој.

Според него постои француско-германски предлог, што е прифатен од Косово и оти косовската страна се понудила да го потпише, но Србија го отфрлила.

-Останува да се толкува и како што рече Вучиќ ќе ги земам тие точки од овој договор и нема да ги применувам од внатрешно-политички причини. Ако има билатерален договор и едната страна каже избирам само неколку точки, тоа не е договор. Косово не може да има договор со себе. Не можеме да влеземе во сериозен преговарачки процес, изјави Ветон Сурои во Топ стори. вт/сд/

Фото: Прионтскрин Топ Чанел