Српските безедносни служби ја следат состојбата во Србија, регионот и Источна Европа
- Во Белград e одржана седница на Координационото тело за спречување и борба против тероризмот на која е разгледувана безбедоносната состојба во Србија и во регионот, и на која се презентираni
![Српските безедносни служби ја следат состојбата во Србија, регионот и Источна Европа](https://new.mia.mk/images/20221113225547_big_730x400_71.webp )
Белгрда, 23 септември 2022 (МИА) –Во Белград e одржана седница на Координационото тело за спречување и борба против тероризмот на која е разгледувана безбедоносната состојба во Србија и во регионот, и на која се презентираni мерките и активностите преземени во претходниот период заради зачувување на мирот и стабилноста, јави дописникот на МИА од Белград.
-Српските безбедносни служби внимателно и интензивно ги следат сите настани што се случуваат во Србија, но и во регионот, како и во Источна Европа. Нашите служби ги преземаат сите мерки и активности неопходни за зачувување и заштита на стабилноста на нашата земја. Државата на чело со претседателот (Александар) Вучиќ ви е длабоко благодарна, изјави министерот за внатрешни работи Александар Вулин кој претседаваше со состанокот.
Станало збор и за енергетската безбедност во контекст на светската криза, а министерот подвлече дека енергетската безбедност е нераскинлив дел од националната безбедност и дека српските безбедносни служби се особено посветени на заштитата на енергетски сектор, соопштија од МВР.
На седницата на Националното координативно тело за спречување и борба против тероризмот, покрај постојаните членови на ова тело, присуствуваа и претставници на Обвинителството за организиран криминал, Безбедносно-информативната агенциј (БИА), Воено-безбедоносната агеција, (ВБА), Воената разузнавачка агенција (ВОА), Министерството за надворешни работи, Министерството за финансии, Канцеларијата на Советот за национална безбедност, како и Комесаријатот за бегалци и миграции на Република Србија, се наведува во соопштението.об/