Словачка донира полнач за електрични возила на ФЕИТ
- Факултетот за електротехника и информациски технологии при Универзитетот „Св. Кирил и Методиј“ – Скопје доби полнач за електрични возила кој ќе биде наменет за истражувања и обука на студенти
![Словачка донира полнач за електрични возила на ФЕИТ](https://new.mia.mk/images/20221107113451_big_730x400_59.webp )
Скопје, 27 мај 2021 (МИА) - Факултетот за електротехника и информациски технологии при Универзитетот „Св. Кирил и Методиј“ – Скопје доби полнач за електрични возила кој ќе биде наменет за истражувања и обука на студентите од електроника и електроенергетските насоки, информираат од ФЕИТ.
Полначот е донација од Република Словачка, поточно од Словачкиот фонд за предизвици, добиен во рамки на проектот „Greener Mobility“ и има моќност од 2x22 кw.
Од овој фонд се финансираат проекти со вредност меѓу 20 и 40 илјади евра во траење до една година. Во реализација на овој проект учествуваат компании од Словачка и јавна или приватна установа од Северна Македонија. Проектот се организира преку словачките фирми SEAK и MONTIN. ар/sa/