Дамаск, 4 декември 2024 (МИА) - Армијата на сирискиот претседател Башар ал Асад започна контраофанзива против исламистичките бунтовнички сили кои минатата недела започнаа ненадејна офанзива во северозападна Сирија, јави ДПА.

Рано утринава сириските воени единици ги истуркаа бунтовниците на околу 10 километри од градот Хама, објави невладината организација Сириска опсерваторија за човекови права, како и владини претставници во Дамаск.

Во текот на ноќта имаше жестоки борби во кои копнените сили беа поддржани од борци.

Во средината на минатата недела, бунтовниците предводени од исламистичката група „Хајат Тахрир ал-Шам“ започнаа офанзива во северозападна Сирија и неколку дена подоцна ја презедоа контролата врз вториот по големина град Алепо.

Повеќе од 570 луѓе, од кои речиси 100 цивили, се убиени во борбите, според Опсерваторијата со седиште во Лондон, која ја следи војната со мрежа на информатори на теренот. мс/

фото: МИА архива