Лајпциг, 29 октомври 2024 (МИА) - Екипата на РБ Лајпциг забележа домашна победа од 4:2 над Сент Паули во натпревар од второто коло на Купот на Германија. 
 
Македонскиот репрезентативец Елиф Елмас, кој влезе од клупата, асистираше за последниот гол на домашните, откако му додаде на Антонио Нуса за гол во 80-тата минута. Елмас имаше одличен обид да реализира и гол, но противничкиот голман го одбрани неговиот шут.

Два гола за Лајпциг претходно даде Полсен, еден Баумгартнер, а погодоците за Сент Паули беа дело на Гулавоги и Смит.

На тој начин избраниците на Марко Розе се пласираа во осминафиналето на турнирот. дс

Фото: Принтскрин