Струга, 13 август 2020 (МИА) - Екипата на Вардар 1961 вечерва го совлада тимот на Охрид со 27-22 (13-12) и ја забележа првата победа на турнирот „Струга 2020“. Вардар ја оправда фаворитската улога, но отпорот го скрши дури во второто полувреме, откако првите 30 минути поминаа во израмнета игра, а во неколку наврати Охрид дури и имаа предност на семафорот. Тимур Дибиров со 7, Гоце Георгиевски и Филип Талевски со по 3 беа најефикасни за вардарци. Блажески и Тасевски со по 4 беа најдобри кај охриѓани. Претходно денеска, Металург запиша победа над Прилеп со 33:24, додека Бутел го совлада Еурофарм Пелистер со 21:17.