Токио, 20 јуни 2021 (МИА) - Член на олимпискиот боксерскиот тим на Уганда беше позитивен на КОВИД-19 како дел од задолжителните проверки на сите спортисти кои допатуваа во Токио. Девет угантски боксери, тренери и официјални лица вчера пристигнаа на аеродромот „Нарита“ во Токио. Тоа е втора странска репрезентација што допатува во Јапонија на Олимписките игри, по австралискиот женски тим во софтбол. Австралијките се на јапонско тло од 1 јуни и досега имаа негативни тестови. Но, спортистот од Уганда, чие име не се открива, ја донесе инфекцијата на Олимписките игри. По два позитивни резултати, тој беше изолиран. Според весникот „Асахи“, сите девет спортисти од Уганда претходно биле вакцинирани со „Астра Зенека“ и имале негативни тестови за ПЦР тестови пред да се качат на авион. Уганда бележи зголемување на инциденцата на коронавирус. Олимписките игри во Токио започнуваат на 23 јули. зс/