Неапол, 16.декември 2025 (МИА) – Белгискиот репрезентативец Ромелу Лукаку се врати на тренинзи на својата екипа Наполи и би можел да настапи на Супер купот на Италија што ќе се игра во Саудиска Арабија. Лукаку надвор од теренот беше 124 дена, откако на 14.август го скина бутниот мускул на пријателски натпревар против Олимпијакос.

Како што пишуваат италијанските медиуми оваа сезона пропушти 22 натпревара во сите натпреварувања за екипата на Наполи, а неколку и за белгиската репрезентација.

Екипата на Наполи ќе патува за Ријад, а на 18.декември против Милан го игра полуфиналето на италијанскиот Супер куп. мн/

Фото: ЕПА