Кина успешно лансира најнова ракета-носач
- Кина денеска првпат успешно ја лансираше својата најнова ракета-носач „Долг марш 5Б“ од сателитскиот лансирен центар Венчанг, во јужниот дел од земјата, објави кинеската државна телевизија.
![Кина успешно лансира најнова ракета-носач](https://new.mia.mk/images/20221103195412_big_730x400_89.webp )
Пекинг, 5 мај 2020 (МИА) - Кина денеска првпат успешно ја лансираше својата најнова ракета-носач „Долг марш 5Б“ од сателитскиот лансирен центар Венчанг, во јужниот дел од земјата, објави кинеската државна телевизија.
Според Кинеската канцеларија за вселенско инженерство, „на 5 мај во 18 часот по локално време од космодромот Венчанг во Кина е лансирана ракетата-носач „Долг марш 5Б“ со пробна верзија на вселенско летало и прототип на капсула за враќање на товарот“, се наведува во извештајот.
Околу 488 секунди подоцна, прототипот на вселенското летало заедно со пробната верзија на повратната капсула успешно се одвои од ракетата и стигна до предвидената орбита, а мисијата е успешно завршена, стои во соопштението. гт/