Иднината на Европа е со Западен Балкан, постои силна поддршка за политиката на проширување, пораки од Самитот во Виена
- Иднината на Европа без автентичното место на Западен Балкан, е бесмислено. Крајно време е Европската Унија да го исполни сопственото ветување за почеток на преговори откако нашата држава ги и
![Иднината на Европа е со Западен Балкан, постои силна поддршка за политиката на проширување, пораки од Самитот во Виена](https://new.mia.mk/images/20221107130958_big_730x400_60.webp )
![](/articles/images/idninata-na-evropa-e-so-zapaden-balkan-postoi-silna-poddrshka-za-polit/LzKJ49u2L/placeholder.webp?use_watermark=0)
![](/articles/images/vicepremierot-dimitrov-vo-rabotna-poseta-na-latvi-a-i-litvani-a/yBGclQIF3/placeholder.webp?use_watermark=0)
-Крајно време е Европската Унија да испорача кон Северна Македонија, исполнувајќи го сопственото ветување за почеток на преговори откако земјата ги исполни сите услови. Крајно време е за добри вести и прогрес по европскиот пат за целиот регион, рече Димитров.
Новата методологија за пристапни преговори, посочи вицепремиерот, може да внесе нова динамика и поголема веродостојност на пристапниот процес само ако е правилно применета, за што е потребна заемна посветеност – и на земјите кандидати и на ЕУ.
-Ако се вратиме на основите како што предвидува и самата методологија, не смееме да го заборавиме базичното правило дека процесот на пристапување е двостран и подразбира испорачување на обете страни, истакна Димитров.
Тематскиот панел беше фокусиран на размена на мислења за процесот на проширување на Европската Унија, при што се дискутирало за предизвиците во пристапниот процес на регионот во светлото на новата методологија за преговори, користењето на фондовите од Економскиот и инвестициски план за Западен Балкан и стратешката комуникација на ЕУ со регионот.
И австрискиот канцелар Себастијан Курц по средбата на Самитот соопшти дека Северна Македонија сработи одлично на патот на евроинтеграциите.![](/articles/images/idninata-na-evropa-e-so-zapaden-balkan-postoi-silna-poddrshka-za-polit/uiFU88MJD/placeholder.webp?use_watermark=0)
Инаку, меѓу земјите членки на Европската Унија има „огромна“ поддршка за предлогот што го поднесе португалското претседателство неодамна за надминување на спорот меѓу Северна Македонија и Бугарија, потврдија вчера дипломатските извори за МИА.
За неколку дена министрите за европски работи на 27-те земји членки на ЕУ ќе се состанат во Луксембург каде ќе дебатираат за преговарачките рамки за Северна Македонија и Албанија и одржувањето на првите Меѓувладини конференции со овие две земји.-Португалскиот предлог има за цел да го отвори патот за изнаоѓање прифатливо решение кое ќе ги земе предвид преокупациите на земјата членка и на земјата кандидат, но се разбира дека е суштински да се земат предвид преокупациите и на сите други земји во Советот, одлуката се носи едногласно, објасни за МИА висок ЕУ дипломат инволвиран во процесот.
![еу](/articles/images/idninata-na-evropa-e-so-zapaden-balkan-postoi-silna-poddrshka-za-polit/FUG9l0YF3/placeholder.webp?use_watermark=0)
На последниот амбасадорски состанок на почеток на оваа недела помеѓу земјите членки на ЕУ се разговарало исто така за Северна Македонија и дипломатите потврдуваат дека поддршката за португалскиот предлог е многу голема.
Повеќето земји членки на ЕУ исто така оценуваат дека Тирана и Скопје не треба да бидат одвоени.
Инаку, македонската делегација предводена од премиерот Зоран Заев, но и вицепремиерот Димитров и шефот на дипломатијата Бујар Османи, завчера на средбата со бугарскиот државен врв во Софија посочи дека решението на билатералното прашање мора да води грижа за интересите на двете страни. И македонската и бугарската страна средбите во Софија ги оцениле како значаен исчекор што ќе ги поттикне идните чекори за решенија за отворените прашања, на кои двете страни ќе посветат сериозно внимание и заедно ќе работат низ отворен и искрен дијалог. бт/дма/