ДОМ за Самитот на ЕУ во Загреб: Дејствувајте таму каде што се вашите вредности
- Самитот на ЕУ-Западен Балкан во Загреб е позитивен сигнал за регионот, но како и вообичаено, не успеа да испорача посилни обврски од двете страни. На европската перспектива на Западниот Балка
![ДОМ за Самитот на ЕУ во Загреб: Дејствувајте таму каде што се вашите вредности](https://new.mia.mk/images/20221103201430_big_730x400_7.webp )
Скопје, 8 мај 2020
Самитот на ЕУ-Западен Балкан во Загреб е позитивен сигнал за регионот, но како и вообичаено, не успеа да испорача посилни обврски од двете страни. На европската перспектива на Западниот Балкан и треба недвосмислена поддршка од ЕУ, но исто така, и треба и директна дискусија и конкретни акции.
Финансискиот пакет од 3.3 милијарди евра е повеќе од симболичен гест, бидејќи ќе доведе до продлабочена соработка со регионот. Европската Комисија, исто така, мора да го вклучи Западен Балкан во ЕУ планот за реконструкција, бидејќи овој план ќе има важна улога во утврдувањето на политичките приоритети на земјите од Западен Балкан. И пакетот и планот треба да бидат во согласност со Зелениот Договор (Green Deal), и да го поддржат вложувањето во социјално, економски и еколошки посилна Европа.
Европскиот Совет конечно реши да ги отвори пристапните преговори со Албанија и Северна Македонија во март годинава, но оваа одлука не беше спомната во официјалниот извештај од самитот. Како што двете земји покажаа значителни демократски реформи, така сега е важно ЕУ да ги движи напред преговорите. Европските Зелени долго време повикуваат на отпочнување на пристапниот процес со овие две земји, бидејќи иднината на Западен Балкан, како целина, е во ЕУ.
Томас Вајц, ко-претседавач на Европската Зелена Партија и пратеник во ЕП, коментира:
„Конечно Европската Унија почнува да го испорачува ветеното за овие клучни членки на Европското семејство. ЕУ е повеќе од партнер и им должиме прогрес на граѓаните од регионот, поддржувајќи ги слободите и демократските процеси кои се тешки, но апсолутно потребни за просперитетот на цела Европа. Би било многу мудро да не се остави регионот на надворешни сили како Русија, Турција, Саудиска Арабија или Кина.”
Маја Морачанин, претседателка на ДОМ, партија членка на Европските зелени од Северна Македонија, коментира:
„Посветени сме на насочувањето на нашите напори кон тешката работа која не чека по одлуката на ЕУ да ги отвори преговорите со Северна Македонија. Финансиската поддршка од ЕУ ја потврдува посветеноста на ЕУ дека Западен Балкан е интегрален дел од Европа и ја охрабрува надежта дека Северна Македонија наскоро, конечно ќе ги започне пристапните преговори.”
ДОМ - Канцеларија за односи со јавност
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.