Десет години „НаТочак“: Незабележителни промени во безбедноста на велосипедистите
- Во пресрет на одбележувањето 10 години постоење, кое ќе се одржи в сабота на плоштад „Македонија“, граѓанската иницијатива „НаТочак“ соопшти дека во изминатата деценија има промени во велосип
![Десет години „НаТочак“: Незабележителни промени во безбедноста на велосипедистите](https://new.mia.mk/images/20221113224121_big_730x400_22.webp )
Скопје, 21 септември 2022 (МИА) - Во пресрет на одбележувањето 10 години постоење, кое ќе се одржи в сабота на плоштад „Македонија“, граѓанската иницијатива „НаТочак“ соопшти дека во изминатата деценија има промени во велосипедскиот сообраќај во главниот град, но дека сме далеку, како што велат, од тоа што Скопје можеше да биде денес доколку постоеше институционална посветеност.
- Ако споредиме со деценија претходно, направено е многу, но, сепак, далеку сме од она што Скопје можеше да биде денес доколку имаше поголема посветеност од страна на институциите и посериозен пристап кон велосипедскиот сообраќај, е заклучокот на претставниците на оваа граѓанска иницијатива. Според нив, „Скопје Велоград“ е сè уште визија, а не реалност, автомобилскиот сообраќај е сè уште приоритет при сообраќајното планирање, а изминатите десет години биле борба за докажување, поучување и прикажување примери од многу европски градови за тоа како изгледаат достојни услови за возење точак.![НаТочак2](/articles/images/%d0%b4%d0%b5%d1%81%d0%b5%d1%82-%d0%b3%d0%be%d0%b4%d0%b8%d0%bd%d0%b8-%d/NjdMuWCxV/placeholder.webp?use_watermark=0)
Одбележувањето на 10-годишнината на „НаТочак“ в сабота ќе почне со 90-тата Критична маса - од Плоштад Македонија во 11 часот и ќе заврши во МКЦ со музичка и забавна програма. хс/