Делегацијата на Влада положи цвеќе на Партизанските гробишта во Бутел по повот Денот на Армијата
- Делегација на Владата на Република Северна Македонија составена од заменичката на претседателот на Владата задолжена за политики на добро владеење, Славица Грковска и заменик министерот за информатичко општество и администрација, Александар Бајдевски, денеска положи венци свежо цвеќе на Партизанските гробишта во Бутел, на гробовите на генерал Михајло Апостолски и на починатите претседатели на државата и врховни команданти на Армијата, Киро Глигоров и Борис Трајковски, по повод Денот на Армијата.
![Делегацијата на Влада положи цвеќе на Партизанските гробишта во Бутел по повот Денот на Армијата](https://new.mia.mk/images/20230818111509_big_730x400_45.webp )
Скопје, 18 август 2023 (МИА) - Делегација на Владата на Република Северна Македонија составена од вицепремиерката задолжена за политики на добро владеење Славица Грковска и заменик министерот за информатичко општество и администрација Александар Бајдевски, денеска положи цвеќе на Партизанските гробишта во Бутел, на гробовите на генерал Михајло Апостолски и на починатите претседатели на државата и врховни команданти на Армијата, Киро Глигоров и Борис Трајковски, по повод Денот на Армијата.
На денешен ден во 1943 година на Славеј планина е формиран првиот партизански одред, баталјонот „Мирче Ацев“, како прва регуларна воена единица во Народно ослободителната војна, која прерасна во ослободителна војска и се вгради во темелите на македонската држава.
Армијата на Република Северна Македонија денес е институција во која граѓаните имаат највисока доверба и која континуирано демонстрира професионалност и подготвеност во своето дејствување согласно стандардите на НАТО. Таа активно придонесува во справувањето со современите предизвици и во зачувувањето на глобалниот мир и безбедност преку учество во меѓународни мировни мисии. сан/са/