Бредфорд, 23 август 2024 (МИА) - Мејсон Гринвуд почна да собира лични документи за да може да добие државјанство од Јамајка и да игра за земјата на меѓународно ниво.

Фудбалската федерација на Јамајка (ЏФФ) сака да потпише со Гринвуд и сега се прават првите чекори тоа да се оствари под водство на новиот менаџер Стив Мекларен.

Фудбалската асоцијација на Англија ги предаде документите за регистрација на ЏФФ, како што беше побарано, за да може формално да се пријави до ФИФА.

Гринвуд има само еден натпревар за Англија, против Исланд во септември 2020 година, но може да го смени државјанството бидејќи во тоа време сè уште немал 21 година. Но, напаѓачот мора да добие и јамајкански пасош, за кој е потребен извод од роднина.

Гринвуд, кој е роден во Бредфорд, ги исполнува условите преку неговите баба и дедо. дс

Фото: Архива