Инспекцијата е наложена и спроведена од претседателот Емомали Рахмон. Претседателот пристигна во базата на Националната гарда по завршувањето на тричасовната операција наречена „Граница 2021“. Проверката на борбената готовност опфати и 1.023 парчиња оружје, 3.167 моторни и специјални возила, 447 артилериско оружје, 234 противвоздушни системи и 45 воени и транспортни авиони и хеликоптери. Обраќајќи им се на војниците, Рахмон истакна дека ситуацијата во Авганистан останува многу тензична и непредвидлива и дека во таа смисла на армијата, како и на другите служби, им е наредено да ја подигнат борбената готовност на највисоко ниво, со цел да се спречат реални и потенцијални закани и да се преземат соодветни мерки за итни случаи. По неговиот говор следела воена парада, на која учествувале 10.000 војници, припадници на други служби и резервисти. Таџикистан граничи со Авганистан, каде се интензивираа борбите меѓу владините сили и талибанците, откако американскиот претседател Џо Бајден на 14 април соопшти дека одлучил да ја заврши најдолгата мисија на САД во историјата. гт/