Скопје, 3 август 2023 

И оваа година за „Илинден“ не изостана лошата слика на македонското секојдневие произлезено од длабоката поделба помеѓу граѓаните, а кое резултираше со повторно сквернавење на најголемиот празник, „2 август – Денот на Републиката и Илинденското востание“.

Со оглед на тоа како помина овогодинешната но и како се реализирани минатогодишните прослави на „Илинден“ во Крушево, ВМРО-Народна партија смета дека својата идеја од пред една година е сеуште актуелна па уште еднаш упатува повик до сите политички партии, институции и широката македонска јавност.

ВМРО-Народна партија предлага од идната година политичките говори да изостанат од прославите во Крушево и Пелинце односно на ден пред „Илинден“ да биде организирана свечена академија на која ќе се испратат политички пораки, а на втори август да се организираат достојни културно-уметнички чествувања во меморијалните центри во Крушево и Пелнице.

Сметаме дека со оваа идеја која треба да добие широка поддршка од целата општествено-политичка јавност ќе доведе намалување на поларизацијата на македонското општество како и обединување на граѓанската свест која особено на ваквите големи денови за Републиката треба да испрати јасна порака за колективно единство за сите општествено политички прашања и процеси, кои се во интерес на Северна Македонија.

Уште еднаш се надеваме дека оваа идеја ќе биде добронамерно примена и прифатен од сите политички субјекти.

Центар за комуникации на ВМРО-Народна партија

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.