Лондон, 25 декември 2024 (МИА) - Шампионот во Формула 1 од 1997 година Жак Вилнев ги сподели своите размислувања за претстојното деби на Луис Хамилтон во тимот на Ферари и борбата со неговиот нов тимски колега Шарл Леклер.

- На Хамилтон му треба вистинскиот болид. Тој не учествуваше на никаков начин во развојот на овој болид на Ферари, за разлика од Мерцедес, и можеби затоа беше толку тешка неговата разделба. Можеби чувствувал дополнителна одговорност. Тој доаѓа во Ферари знаејќи дека не инвестирал во болидот за 2025 година. 
Мислам дека ова малку ќе ја поедностави ситуацијата, бидејќи ќе има време да се прилагоди и да го направи автомобилот свој. 
Што се однесува до Шарл, тој сигурно ќе сака да стане светски шампион и засекогаш да остане златното момче на Ферари, додека Луис нема што да докажува - тој веќе освои сè. Единствено што му недостига на Луис се победите со Ферари, изјави канадскиот возач и стручњак.

Хамилтон во ферари доаѓа од Мерцедес, тим за кого настапуваше изминатите 12 години.

Сезоната 2025 во Формула 1 ќе почне со етапата во Австралија од 14 до 16 март. зс/

Фото: ЕПА