Кичево, 28 август 2021 (МИА) - По повод големиот верски празник Успение на Пресвета Богородица, во кичевскиот црковен храм одбележувањето почна синоќа со вечерната богослужба. Денеска на самиот празник, најпрво беше отслужена Утрена богослужба во 7:30 часот, додека од 8 часот се одржа Света Божествена Литургија.

Освен во Кичево, богослужби ќе се одржат и во повеќе села во Кичевско, чиј  храм го носи името на мајката божја.

- По повод големиот верски празник Голем Богородица, ќе се одржат богослужби во повеќе села во општината, чиј патрон на црковниот храм е мајката божја.Така денес богослужби ќе има во селата Кладник,Цер,Добреноец и Душогубица.При ова одбележување во црквите ќе има славски колач но без прослави со кумови, поради превенција од ковид-19. Боголужбите ќе ги одржат свештеници од кичевскиот црковен храм, истакна отец Александар Матески.

Тој потсети дека одбележувањето на овој празник во манастирот „Света Пречиста Богородица“ нема да се одржи и одбележувањето ќе се случи во „Свети Јован Бигорски“. Додека во овој манастир традиционално одбележување ќе има за празникот „Мала Богородица“.за/бт/