Мадрид, 11.август 2025 (МИА) - Досегашниот фудбалер на Наполи и италијански репрезентативец Џакомо Распадори потпиша петгодишен договор со Атлетико Мадрид, објави мадридскиот клуб. 

Според италијанските медиуми шпанскиот клуб ќе плати обештетување од 26 милиони евра плус бонуси. 

25- годишниот Распадори дресот на Наполи го носеше од 2022 година, а претходно настапуваше за Сасуоло. Со екипата на Наполи освои и две шампионски титули, а со репрезентацијата на Италија беше европски првак 2021 година.     мн/

Фото: ЕПА