Бирмингем, 27.јануари 2026 (МИА) – Третопласираната екипа во Премиер лигата Астон Вила сериозно го засилува својот ростер за вториот дел од првенството. Во финишот на преодниот рок клубот од Бирмингем во своите редови го донесе поранешниот играч на Челзи и Рома – Тами Абрахам.

28-годишниот фудбалер е платен 22 милиони евра на турската екипа Бешикташ. Тој оваа сезона одигра 26 натпревари и постигна 13 голови.

Неговата вредност на „пазарот“ се проценува на 14 милиони евра, а тој со Астон Вила потпиша четиригодишен договор. 

Астон Вила е трета на табелата во Премиер лигата со 46 бодови, колку што има и второпласираниот Манчестер Сити, а лидер е Арсенал со 50.   мн/

Фото: ЕПА