Андоновски од Брисел: Местото на Македонија е во Европа, без уцени
- Андоновски присуствува на редовната седмица на Политичкото собрание на Европската народна партија, како подготовка за Конгресот на ЕПП во 2024 година и европските избори. Меѓу другото, Андоновски ќe присуствува и на настани во рамки на Неделата на младите на ЕПП, организирана на неколку локации во Брисел.
![Андоновски од Брисел: Местото на Македонија е во Европа, без уцени](https://new.mia.mk/images/20230905112113_big_730x400_96.webp )
Скопје, 5 септември 2023
Меѓународниот секретар на ВМРО-ДПМНЕ е во дводневна посета на Брисел, во рамки на активности на Европската народна партија.
Андоновски присуствува на редовната седмица на Политичкото собрание на Европската народна партија, како подготовка за Конгресот на ЕПП во 2024 година и европските избори. Меѓу другото, Андоновски ќe присуствува и на настани во рамки на Неделата на младите на ЕПП, организирана на неколку локации во Брисел.
На средбите Андоновски ја истакна силната поддршка која ВМРО-ДПМНЕ ја дава на вистинското европеизирање на Балканот, преку воспоставување на јасна стратешка позиција на ЕУ кон регионот. Тоа стратешко позиционирање не смее да биде базирано на националистички барања, уцени, непринципиелни отстапки и национални откажувања. Европеизацијата на целиот регион мора да се основа на вистински европски критериуми и заедничка соработка.
Во рамките на настаните, Андоновски ќе оствари и билатерални средби со претставници на политичките партии од Европската народна партија.
Стефан Андоновски, меѓународен секретар на ВМРО - ДПМНЕ
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.