Shkup, 23 shkurt 2026 (MIA)- Në periudhën nga 16 deri më 22 shkurt nga sistemi "Qyteti i Sigurt" në zonat e qyteteve dhe korridoreve ku janë vendosur kamerat janë regjistruar gjithsej 4,910 kundërvajtje.

Siç informon MPB, nga numri i përgjithshëm i kundërvajtjeve të regjistruara, numri më i madh është për drejtimin e automjetit me shpejtësi më të madhe nga shpejtësia e lejuar 4,691, më tej për kalim në sinjalin e mbyllur (dritë e kuqe) 16 kundërvajtje që paraqet rënie në 51.5% krahasuar me javën e kaluar kur u regjistruan 33 kundërvajtje, ndërsa në javën e parë të muajit u regjistruan madje 163 kundërvajtje për kalim në sinjalin e mbyllur, ndërsa për drejtimin e automjetit me leje qarkullimi të skaduar u regjistruan 203 kundërvajtje.

Gjithashtu janë shqiptuar gjithsej 117 masa "ndalim i drejtimit të automjetit", numri i të cilave shënon rënie në 20.9% krahasuar me javën e kaluar, ndërsa në javën e parë të muajit u regjistruan madje 288 masa "ndalim i drejtimit të automjetit". Nga 117 masat e vendosura javën e kaluar, 16 janë për "kalim në dritë të kuqe", ndërsa 101 janë për "vozitje të shpejtë", nga të cilat 75 për shpejtësi mbi 80 km/orë në vendbanim, 19 për shpejtësi mbi 10 km/orë dhe shtatë për shpejtësi mbi 170 km/orë jashtë vendbanimit.

MPB me apel deri te të gjithë pjesëmarrësit në trafik të respektojnë rregullat e trafikut dhe të gjithë bashkërisht të kontribuojmë për rrugë më të sigurta.

Foto: arkivi i MIA-s