Минхен, 28 јули 2020 (МИА) - Извршниот директор на Баерн (Минхен), Карл-Хајнц Румениге е на мислење дека следните две сезони ќе бидат тешки за „баварците“. Причината е дека распоредот на играчите ќе стане многу тесен поради недостаток на фудбал неколку месеци поради пандемијата на коронавирус. - Следните две сезони ќе бидат многу тешки за нашите фудбалери. Одложеното Европско првенство и претстојниот Светски куп во 2022 година ќе го зголемат обемот на работа. Тесната програма ќе влијае на планирањето на составот, неизбежно е. Во последните неколку сезони имавме релативно мал состав, но тоа мора да се промени во наредните сезони, изјави Кале, цитиран од весникот „Абендцајтунг“. Ова лето Баерн веќе привлече три нови имиња - Александар Нубел, Танги Нианзу и Лерој Сане.