Кавадарци, 17 декември 2024 (МИА) - Ансамблот ,,Тиквеш" вечерва ќе одржи  годишен концерт во Кавадарци, информираа попладнево од кавадаречкиот Дом на култура, осврнувајќи се на активностите во оваа културна установа во наредниве неколку дена.  

- Театарот при Домот на културата ,,Иван Мазов - Климе “ Кавадарци и Фолклорниот ансамбл “Тиквеш“ кој работи при Домот на културата ги привршуваат своите активности за многу успешната 2024 година. Вечер од 19 часот ансамблот “Тиквеш“ ќе го одржи првиот од годишните концерти со првата, втората постава и рекреативците со врвен оркестар. Следните два концерти со средната и најмалата група по возраст, се во сабота на 21 декември, соопшти Марјан Тодоровски од Домот на културата. 

Театарот во петок, на 20 декември од 19 часот ја има премиерата на новогодишната претстава за деца ,,Биди со нас Дедо Мраз“ во режија на Александар Малинков, а во која игра првата постава актери на кавадаречкиот театар. 

- Претставата организирано ќе ја погледнат и учениците од кавадаречките основни училишта. Хит претставата “Кавадаречки пастуви“ на репертоарот е во вторник на 24 декември 2024 од 20 часот, информираше Тодоровски. свд/

Фото : Дом на култура