Stojanoski: Nga shtatori rritje lineare e pensioneve për 2.500 denarë, në mars po aq rritje
- Me ribalancin e Buxhetit për vitin 2024 janë paraparë pesë miliardë denarë për pensione ose 2.500 denarë plus për 300.000 pensionistë. Nga shtatori, të gjithë pensionistët do të marrin në mënyrë lineare nga 2.500 denarë dhe kjo nuk do të jetë ndihmë e njëhershme, por zgjidhje sistematike me të cilën duke përfshirë rritjen nga 2.500 denarë shtesë në mars të vitit të ardhshëm, secili pensionist do të marrë 5.000 denarë, thotë deputeti i VMRO-DPMNE-së, Bojan Stojanoski.
- Post By Fami Bajrami
- 17:07, 12 gusht, 2024
![Stojanoski: Nga shtatori rritje lineare e pensioneve për 2.500 denarë, në mars po aq rritje](https://new.mia.mk/images/20240812165217_big_730x400_99.webp )
Shkup, 12 gusht 2024 (MIA) - Me ribalancin e Buxhetit për vitin 2024 janë paraparë pesë miliardë denarë për pensione ose 2.500 denarë plus për 300.000 pensionistë. Nga shtatori, të gjithë pensionistët do të marrin në mënyrë lineare nga 2.500 denarë dhe kjo nuk do të jetë ndihmë e njëhershme, por zgjidhje sistematike me të cilën duke përfshirë rritjen nga 2.500 denarë shtesë në mars të vitit të ardhshëm, secili pensionist do të marrë 5.000 denarë, thotë deputeti i VMRO-DPMNE-së, Bojan Stojanoski.
Gjatë debatit parlamentar, Stojanoski i cili në detaje foli për projeksionet, paralajmëroi se buxheti i ri për vitin 2025 tashmë është duke u përgatitur i cili do të tregojë sjelljen e një elite krejtësisht të re politike, prioritet i së cilës janë qytetarët dhe ekonomia.
"Ky ribalanc është dëshmi e sjelljes kataklizmike të pushtetit të kaluar dhe vjedhjes epike të popullit. Me të ne vetëm po përpiqemi të rishpërndajmë mjetet e dobëta apo të parealizuara, për të pritur fundvitin në një gjendje sa më normale. Po përgatitet një buxhet i ri për vitin 2025, në të cilin do të përfshihen të gjitha prioritetet e qeverisë, ndërsa në fokus do të jetë tek njerëzit dhe ekonomia. Do të tregojmë zenitin e sjelljes së elitës së re politike, për të cilën qytetarët dhe zhvillimi i ekonomisë janë në vend të parë. Ndërkohë, mjetet do të dedikohen para së gjithash për investime kapitale", theksoi Stojanoski.
Ai rikujtoi se me ribalancin janë paraparë dhe 100 milionë euro për komunat, një miliard denarë për pagesë në zona, 322 milionë për KSHZ-në, gjegjësisht për pagesat në borde dhe media, 644 milionë për ushqime dhe bursa studentore, 5,1 miliardë denarë për obligime kreditore të disa viktimave, 600 milionë për pagesë sipas vendimeve gjyqësore, 1,7 miliardë për subvencione, 550 milionë për vauçerë për sport.
"Në Buxhet nuk janë llogaritur mjete për paga të shumë institucioneve, as nuk është paraparë plotësisht shumë për pagesën e pensioneve", theksoi Stojanoski sipas të cilit Qeveria re deri në fund të vitit do të planifikoj t'i mbledhë 130 milionë në bazë të ardhurave.
Fjalën e mori edhe Malisha Stankoviq i cili theksoi se Buxheti dhe ribalanci duhet të ndahen. Ai gjithashtu u bëri thirrje të gjithë deputetëve që të votojnë për ribalancin.
"Nuk mund të presim mrekulli nga ribalanci. Ky është muaji i tetë në të cilin tashmë janë shpenzuar 71 për qind e buxhetit. Tani ne vetëm po i përshtatemi situatës në mënyrë që deri në fund të vitit të dalim nga skenari aktual. Në këtë ribalanc nuk ka asnjë zë që nënkupton shpenzime të kota", tha Stankoviq i cili siç përmendi, edhe pse e dinte se buxheti ishte i keq, nuk e priste një "vrimë" prej 40 miliardë denarë.
Në debatin e përgjithshëm i pari foli deputeti Dimitar Kovaçevski nga LSDM-ja i cili tha se partia e tij dhe koalicioni nuk do të mbështesin ribalancin.
Më herët ekspoze kishte ministrja e Financave, Gordana Dimitrieska Koçoska.
Deputetët momentalisht janë në pauzë, ndërsa, siç tha kryetari i Kuvendit Afrim Gashi seanca do të vazhdojë pas orës 18:00. rq/
Foto: printskrin