Фулам се насочи кон Тодибо
- Раководството на Барселона се согласува со условите, но самиот фудбалер се повлече затоа што не сакал да замине во Фулам. Тодибо беше донесен во Барселона од Тулуз во јануари минатата година.
![Фулам се насочи кон Тодибо](https://new.mia.mk/index.php/images/20221104204427_big_730x400_32.webp )
Лондон, 24 септември 2020 (МИА) - Англиски Фулам се насочи кон францускиот дефанзивец на Барселона, Жан-Клер Тодибо, информира „Марка“. Клубот од Островот нуди 18 милиони евра за услугите на дефанзивецот висок 190 сантиметри, а други 5 милиони се обезбедени во форма на бонуси.
Раководството на Барселона се согласува со условите, но самиот фудбалер се повлече затоа што не сакал да замине во Фулам. Тодибо беше донесен во Барселона од Тулуз во јануари минатата година.
Дел од сезоната 2019/2020 тој ја помина на позајмица во Шалке 04, но Германците не ја искористија можноста да ги откупат неговите права.
Се очекува Тодибо да биде новиот фудбалер кој го напушта „Камп Ноу“. Пред него истото го сторија Иван Ракитиќ, Артуро Видал и Луис Суарез.