Уапсен судија од Врховен суд поради сомневање за примање награда за противзаконито влијание
- Како што информираат од Министерството за внатрешни работи, судијата е лишен од слобода на лице место при извршување на кривичното дело.
![Уапсен судија од Врховен суд поради сомневање за примање награда за противзаконито влијание](https://new.mia.mk/index.php/images/20240520175139_big_730x400_94.webp )
Скопје, 20 мај 2024 (МИА) - Полицијата денеска уапсила судија од Врховен суд поради постоење на основи на сомнение за сторено кривично дело „примање награда за противзаконито влијание“.
Како што информираат од Министерството за внатрешни работи, судијата е лишен од слобода на лице место при извршување на кривичното дело.
Од МВР дополнуваат дека се чекаат понатамошни насоки од надлежен јавен обвинител.
Уапсениот судија има право да се повика на судиски имунитет за кој одлучува Судскиот совет на седница на Советот со мнозинство гласови од вкупниот број членови со право на глас.
Од Судски совет за МИА информираа дека засега немаат добиено информација.ар/
Фото: МИА архива